Holong Ni Roha Namartolu Suhi

Mardapot do surat hujalo manang hujaha si bagasan dua pulu taon bolon on Nunga lam moru hapolinon ni bahasa Batak toba na uli i. Di taon 1985 dohot 1986, hutongos do sada guritgurit tu majalah Maduma di Jakarta. Isini artikelhi ima taringot tu naung lam moru hapolinon ni bahasa Toba na uli i, di panurathon manang di namanjaha. Rupani angka lirik ni lagu batak na tarsurat di etiket kaset hatiha i nunga godang marsalaan. Dung i hutongos ma muse artikel i tu Radio ABRI acara Bona ni Pasogit. Hatiha i dihobasi Aman Sahara Sihite manang Asman Manullang. Dung ipe asa dihobasi Wilmar Pasaribu , na dipatubegehon ganup pukul 20.00 (tunghap hudon) di ari Jumahat.
Boha ia hatiha on? Ah tontu hita nunga boi mangalusi sandiri.

Tung ragat do surat na jinalo manang tingting na mambahen mangupir ibana mamereng-hurang tingkos panurathonnna. Di taon 1990 laho do ahu dohot hahangku na di Klender i tu HKBP Setia Mekar-Bekasi, hatiha acara “peletakan batu ojahan”. Didok siboan acara i ma songonon. “Selamat datang ma huucaphon hami di kehadiran muna. Di ari na asing di gareja Rawamangun, ninna siboan acara i ma : “Nunga sae be serah terima. Kembali ma ke tempat masing-masing”. Didok rohangku molo di bahasa Batak na tingkos, on ma ra dohonon ni amanta na dua i.” Horas ma di hita saluhutna, jala mauliate ma di haroromuna. Nunga sae be acara serah terima. Hundul ma hamu muse amang/inang tu hundulanmuna be.
Bereng ma indi mansam do media cetak na tubu hatiha na parpudi on. Suang songon i nang angka ende pop Tapanuli di lampak ni kaset manang VCD. Jala tangkas tabereng, mansai godang (ndang dohonon sude) panurathonna dos dohot panjahasa. Hape songon na hudok nangkin di ginjang, ingkon tongtong do hita tunduk di ruhut-ruhut ni parhataan. Tunduk dalam tata bahasa Batak yang baik dan benar. Alai bereng hamu ma ale amang/inang, hahanami, dohot anggi nang pinaribot niba. Nda tung na lam moru be haulion ni bahasa Batak i. Jadi tangkas dohonon tu hita di manang piga ulaon, di huta nang di kota, nunga marrihit rihit be bahasa Batak i. Rap tanggung jawabta do laho padimundimunhon i, asa tong polin pangkeon ni angka pinomparta di ari nanaeng ro.


Adong sada pengalaman ni dongan, Didok nasida : Adong do tudostudos ni kesamaan kosa kata Bahasa Batak dohot manang na piga Bahasa asing.Angka hata i, ima “kata-kata bilangan mulai sada, dua, tolu, opat, lima,onom, pitu, ualu, sia sahat ro di sampulu. Hata na sampulu i dihatahon relatif dos dohot Bahasa Tagalog Philippina, Bahasa Samoa Island jonok tu New Zealand, Bahasa Salomon Island di Kepulauan Pacifik Ocean dohot Madagaskar.

Dung maraleale iba dohot halak sileban manang sibontar mata suang songon i angka dongan sintua nang ruas di gareja, nirajuman jala huokui do hinadenggan ni Bahasa Batak i. Las situtu do roha manjaha Immanuel ala hirahira di tingkion 40 % isina marbahasa Batak (na jolo ninna lobi do sian 65 %). Dungi muse dung adong milis Batak Gaul, Batak Cyber, http://www.gobatak.com dohot lan na asing, ndang hapalang las rohaniba. Mora nai hape hata batakta i. Ndada sala iba ra molo nidok bahasa Batak i ima sada aset na somal na boi “goes international.

Tabereng ma jolo rupani songon na tarsurat di toru on.
1. Bintang na rumiris baca: bittang)
> > ombun na sumorop (baca:obbun)
> > sai tubu di hamu anak riris
> > boru pe antong torop ( baca:attong)
2. Andor hadungka, (addor hadukka)
> > togu-togu ni lombu (lobbu)
> > sai sahat hamu saurmatua,
> > togu-toguon ni pahompu. (pahoppu)

3. tumbur ni pangkat (tubbur ni pakkat)
> > tu tumbur ni hotang
> > tusi hamu mangalangka (mangalakka)
> > tusi dapotan pangomoan

Jadi tangkas taboto, ingkon tongtong do jaha on manang gurathononhon (gurattonotton) songon i asa hot polin hata Batak i.Nda mansai uli do bahasa Bataktai ? Ai manang ise (bangso aha pe ) boi mamereng manang manjaha i di desa na ualu.

Di sada tingki diskusi dohot Batak Gaul nidok do songonon.
“Batak Gaul ini kayaknya sudah merupakan majalah Batak yang dibaca dan dinikmati banyak orang Batak dari mana mana dan dimana mana, setiap saat. Dari paparan yang kita baca, ada kritik, ada tambahan dari sahabat-sahabat kita (meskipun menurut hemat saya, banyak yang tulisannya tidak mengikuti kaidah bahasa. Misalnya angka ditulis akka.Mansai ditulis mancai dan ini baru secuil dari banyak kata-kata salah yang saya lihat) yang dapat memperkaya khasanah kebatakan kita. Kita pastilah bangga dengan keaslian tulisan itu.

Bahasa Sunda, ciumbeuluit misalnya pastilah dibaca dengan lafal yang berbeda. Ojo kondo-kondo(Bahasa Jawa) dibaca dengan lafal lain. Unang dongkon-dongkon juga dibaca dengan lafal lain, meskipun kalimat tadi bermakna sama. Betapa kita bersyukur saling memberi dan menerima paparan dari sahabat kita lewat milis ini. Semoga para natua-tua yang lebih kaya pengetahuannya berkenan urun rembug diforum kita ini, sehingga budaya Batak yang indah itu tidak lapuk ditelan masa, dan dapat diteruskan diabadikan oleh generasi penerus seperti kita ini.Sehingga kelak, anak dan cucu-cucu kita tidak akan heran melihat balatuk, garantung, sordam, tulila. Atau tidak bingung mendengar ondaonda, odap, pagopago, painundun,mainondur pamarai, pamultak dohot lan na asing.
Di parngoluan si ganup ari lumobi di “era globalisasi” on, hira tolu bahasa ingkon botoonta asa boi hita markomunikasi dohot denggan. Ima tasak bahasa Batak, Indonesia dohot bahasa Asing (Japang, Cina dohot nan na asing). On ma goarna holong ni roha na martolu suhi. Cinta segi tiga. Tung mansai denggan doi kuasaanta. Ndang sala hita mamparsiajari bahasa on dohot bahasa an, alai unang lupa hita asa tongtong jamot, radot manjagasa hinapolin ni bahasa Batak na uli i.

Songoni ma jolo di ombas on (di bulan bahasa on) tu sude hamu angka panjaha na uja : amang, inang, angkang, anggi, iboto na liat na lolo.Ba ditambai angka dongan ma. Mauliate

Hotma di Hita L. Tobing 10/13/2006 2:54:59 PM
(dikutip dari majalah Suara HKBP edisi Oktober 2006)

Dipauliuli muse 1/7/2010/07.15 – pangului


Martata suping. Ndang nahusahatan holong ni roha ni angka ina i maradophon keluarga, marsuhisuhi. Ala nasida do “ujung tombak” na pasahathon, mamemehon dohot mamemehon hata Batak na uli i tu angka ianakhonta dohot rpanghirimon asa tasak nasida manghatai .


Pujilah Tuhan dengan menyanyi. Bah lupa ahu. Ai begu aha do tahe judul ni ende ni PS. Jeriko on. Mene ma jolo husungkun nasida ari minggu on.


Anak Sikola Minggu dohot remaja mangendehon You raise me up. Dung i Tanganhu na metmet, Dison adong huboan ?Tuhan.Hari ini harinya Tuhan. Tolu bahasa i laho pamorahon nasida. Mauliate ma tu angka guru SM na tongtong mangajari angka dakdanak


Ah on ma. Di perpustakaan on ma boi jahaon angka buku na marbahasa asing. Molo boi talehon tingkinta manjaha, tasosohon, taondolhon tong tu angka ianakhon, na metmet nang naposo. Ugari on ndang tarasam arga ni di pudian ni ari

This entry was posted in Hata Batak. Bookmark the permalink.

4 Responses to Holong Ni Roha Namartolu Suhi

  1. satahi simandjuntak says:

    Mauliate ma di haradeon ni roha muna among lao paturehon manang paulihon hata Batak na sun denggan i. hurippu do dang adong be nabisuk na olo mangalehon rohana di hatindangon (eksistensi) ni hata Batak. Memang godang do na marrohahon hata Batak i, alai dang piga na boi mangantusi/ marbisuk laho peduli paulihon (mempertahankan) hatanta i. Hubotodo amang na adongdo pangantusion muna tusi. jadi mangido ma hami songon na poso dope asa tontong dilehon hamu bisuk muna i. sai anggiat ma antong angka naposo sonari mangalapati halojaaon dohot bisuk ni ompunta naparjolo mamuhai hata Batak i laos pauduttonna tu hita na parpudi.
    songonpamikkirion sian ahu
    1. Porlu adong sada lembaga na manggongomi hadirion ni hata dohot adat Batak na manontong asa margogo jala himpu.
    2. Naporlu muse naeng bahenonta bisuk (terobosan) baru asa ganup gareja habatahon asa adong tanggung jawab lao paulihon hata dohot adat Batak. ai taboto do Ompu ipe naujui Nommensen mamparsiajari hata dohot adat Batak do, lam hitama?
    Mauliate ma tong di ompu Monang napitupulu atik pe dang hea iba pajumpang bohi diharadeon ni rohana mambaen huling- hulingan ganup bula.

    songon nidok ni umpasa ma dohononku:
    …………………………………………
    …………………………………………
    (da among ma mangajari hami)
    napinukka ni parjolo
    ihuttononni parpudi.
    Horas!! Horas!!!.Horas!!!!

  2. Horas
    Tung mansai toho tutu naginurathon muna i, tarlumobi ma panggurathonon ni angka naposo nungaengon dihata Batak soang songoni dihata Indonesia nungnga tung maol jahaon ima “tulisan/bahasa gaul” ninna istilahna.

  3. ocha says:

    dang tarhatahon be i anggo di tingki saonari on, nga tung mansai godang hata batak i naung di halupahon, dang piga halak be na boi manurathon dohot manjaha hon aksara batak i. molo tung pe nasida mangkatai marhata batak, nungga jotjot an marsampur dohot hata indonesia i, dang hea be ni bege hata batak nasintong, nungga sai adong di sampur i dohot hata indonesia i.

    dang piga be angka naposo na adong rohana laho paturehon hata batak i asa totop di boto jolma na asing asa lam marsaringar sahat tu luat na dao an. sai anggiat ma lam tu godangna halak na poso na adong roha na laho paturehon manang manjaga hata batak i asa totop uli bege on. horas ma di hita sude. mauliate.

  4. Robert Naibaho says:

    Horas ma Amang B Simanjuntak. Mauliate godang ma di siala naung rade rohamuna patotahon aksara Batak “kompatibel = (?) tangkup mata ni doton tu mata ni dengke” ihot tu “system font of microsoft”. Nunga lam bahat hupangke surat Batak Amang dunghon bolas diurupi computer. Mansai holong hian do rohangku di-ha-polin-on ni Surat Batak songon naung marpiga hali didok Amang. Andorang di sihaetehonhu taon 1969, SD-SMP di Pangururan Samosir, marsiajar “privat” do ahu tu Guru M Pardede (Guru Sastera Bahasa) di Pangururan pinajuju ni damang parsinuan i. Tongtong do pe sasahali hupangke surat Batak, tarlumobi molo adong “bersifat rahasia” di kantor. Ima isara adong “file rahasia”. Marpangidoan ma jolo ahu Amang, asa ungkap ma nian rohamuna mangalehon alamat e-mail. Mauliate ma Amang, Horas. Robert (Ama Gorga) Naibaho, mian di Jakarta.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s